من زمان اوووي وانا عندي مشكلة حقيقي مع التنظير علي بعض والمزايدات في كل حاجة،
يا جماعة خلينا نتفق علي حاجة مبدئياً في الاول أننا نحاول قدر الامكان نكون balance
عشان الايام دي الدنيا كلها extra بشكل مُبالغ فيه، اولا احنا امبارح نزل 2videos
الاتنين يعتبر عندهم جماهيرية كبيرة بالنسبة لناس كتير، اولا محمد صلاح كم الناس اللي بتهاجمة دي والموضوع انقسم ب اتنين ناس تقول لا دا AI وناس لا دا متهدد لا دا خايف، والموضوع واضح لو ركزنا بس شوية أنه لا مش ذكاء اصطناعي دا محمد صلاح عادي
هو بيقرأ من حاجة اسمها اوتوكيو زي بروچيكتور كدة وحتي لو عملنا zoom
في عينة هنلاقي الاوتوكيو عامل reflect وباين حاجة مربعة صغيرة كدة،
وبشوف أن سواء كان ذكاء اصطناعي أو لا والله اعلم كل واحد بيقول اللي من وجهة نظرة،
مشكلة محمد صلاح الأكبر كانت مع الناس أنه بيقول الكلام من غير مشاعر وسطحي
بشكل مبالغ فيه والناس اللي بتقول هو خايف علي ايه لا يا جماعة
هو الراجل عندهم هناك وفي وسطيهم ومش لازم علفكرة لما نقول خايف نربطها بأنه
خايف علي شهرتة أو فلوسة أو شغلة هو عندة حاجات اهم عندة بيته وبناته
وهو شخصياً فا اه انا عارفة أنه الكلام كان مش في محلة أو مكنش دا المتوقع منه
عشان جماهيريتة وحب الناس ليه فا كانوا منتظرين منه حاجة اكبر من كدة
بس علي الأقل خلينا نقول إنه لو معملش اللي عليه من وجهة نظرنا فا هو عمل اللي يقدر عليه.
والله اعلم هو فيه ايه لانه حقيقي شكلة لاي حد شاف الڤيديو محدش اختلف علي أنه الموضوع مش طبيعي والله اعلم كان سكوتة وصمتة كل الفترة اللي فاتت
وهو شايف أنه بيخسر من شعبيتة كتير اكيد دي مكنتش حاجة مُحببة ليه
واكيد الموضوع غصب عنه
وبرضه الله اعلم دا مجرد افتراض لكن نختلف أو نتفق فا خلينا نقول عمل اللي يقدر عليه
حتي لو دا مش مريحنا أو مش مناسب من وجهة نظرنا.
أو مش علي قدر الموقف ومكنش دا المتوقع، ثانياً محمد رمضان بقي وقفت حبة
قدام الفيديو
واللي هو لا ليه بجد! أو هو ايه بقي! انت بتعمل اية! ولا بتقول ايه! يعني ايه
واحد المفروض فاهم حجم المشكلة يقول بنجيب أسلحة تصدي ياسيدي يارب ما نستخدمها
ابدا وهو المفروض اننا مدام بنجيب أسلحة فا نستخدمها! لا في ايه بجد! ويعني ايه احنا مش محتاجين برة لا لو ليه محتاجين برة فا ليها اجابات كتير اووووي علي الاقل عشان التزييف اللي بيحصل دا يقف والوعي يزيد، يعني ايه نقوم نحارب هو من امتي الحرب بقت كلمة سهلة اوووي ينفع تتقال بالشكل دا. الموضوع مش انك عاوز برة عشان يدافع عنك الموضوع اكبر من كدة
بكتير وأقل ما فيه فا محتاج تنشر وعي، محتاج تنشر الحقيقة، محتاج تصحح أخطاء وقصص مصنوعة من طرف ما علي حساب طرف تاني معملش اي حاجة. اعتقد ڤيديو زي دا لا بجد محتاج إعادة نظر مينفعش الكلام والأحكام المطلقة من ناس المفروض انها ليها قاعدة ومتابعين كتير الكلام لازم بجد يبقي محسوب اكتر من كدة لأن احنا في وقت حقيقي مش قابل تماماً اي كلمة غلط ممكن تطلع. ودي المشكلة أن حقيقي الڤيديوهات مش علي اد الموقف يعني يا بارد ومايع اوووي وسطحي بشكل مش طبيعي يا اكسترا وعنيف وحتي الكلام مش منطقي ومش مدروس ولا محسوب. دا مش كلام واحد المفروض فاهم. يا جماعة علفكرة مش عيب لما نكون
مش عارفين نقول ايه او مش فاهمين نسكت مش نطلع لمجرد أننا لقينا علينا هجوم لان في اوقات كتير اوووي بيكون سكوتنا احسن بكتير من أننا نطلع نتكلم. بلاش مزايدات وإطلاق احكام ملهاش لازمه علي بعض واننا نجبر بعض اننا نطلع نتكلم في حين سكوتنا افيد بكتير من طلوعنا. القضية الفلسطينية اكيد كلنا معاها واكيد محدش مع الحروب ولا مع قتل الناس الأبرياء واللي بيحصل حرام بس الموضوع خرج برة كل القوانين ومجرد أننا بس نحط نفسنا مكانهم حقيقي الموضوع بشع وحقيقي ربنا يعينهم احنا مش متحملين نشوف صور فا لكم أن تتخيلوا
الواقع اللي هما فيه بقالهم سنين لان اللي بيحصل دا بيحصل فيهم من سنين الفرق بس أن دلوقتي فيه ميديا واعتقد حتي الموضوع بقي اكبر من فكرة مين نزل ڤيديو ومين عمل دعم يا جماعة فيه ناس بتموت وناس بتتقل فا مش منطقي ابدا نسيب الأساس ونقعد احنا نركز في مين عمل ايه ومين نزل ايه خلينا كل واحد اللي يقدر يعمل حاجة وشايف أنها هتفيد يعملها بدون اي مبالغة ولا اي مزايدة واللي ساكت أو مش بينزل حاجة بلاش نلومة لان حقيقي جايز لو نزل
كلامة يعمل مشاكل او ميبقاش ليه لازمة.وحقيقي في الوقت دا اللي ممكن نلجأ ليه وهو اقوي سلاح لينا دلوقتي الدعاء خلينا نصلي ليهم وللعالم كله أن ربنا يبعت سلام ويصبرهم وبلاش مزايدات يا جماعة اللي هيطلع لو هيطلع عشان شير وريتش احسن ليه يسكت. اه صوتنا مهم ومهم أننا نعبر بس لازم تعبيرنا دا يبقي مناسب للموقف والوقت اللي احنا فيه وكل العالم مشدود فيه مينفعش اي حد يقول اي كلام عبثي، الكلمة اللي تطلع في الوقت دا لازم تكون موزونة ومفكرين فيها مليون مرة قبل ما نكتبها، لان حقيقي الموضوع مش محتاج اي حاجة اكسترا هو اوريدي مش ناقص. ربنا يبعت سلامة للعالم كله
